Португалскиот фудбалер Жоао Кансело се откажа од два милиони евра, за да ги исполни своите соништа и да стане играч на својата сакана Барселона.
Агентот на Кансело, Жорге Мендеш моментално работи на постојан договор меѓу Барселона и Манчестер Сити за португалскиот бек да се пресели на Камп Ноу по истекот на неговата едногодишна позајмица.
Во меѓувреме на виделина излегоа информации за негова преселба во Барселона. Имено, Кансело во последниот ден од преодниот рок покажа колку го сака каталонскиот клуб и дека е подготвен на се за да заигра во Барселона.
Во последниот ден од преодниот рок шпанскиот гигант имаше простор да доведе само еден фудбалер Жоао Кансело или Жоао Феликс. Не можеа да ослободат пари во клубот за покривање на „финансискиот фер-плеј“, па во последен момент излезе Кансело и направи потег кој засекогаш ќе го негува во Барселона.
Имено, Кансело во последен момент од преодниот рок реши да се откаже од два милиони евра и да го исполни својот сон да заигра за Барса. Тој се откажа од парите без никаква гаранција дека Барселона на крајот ќе потпише трајно со него.
Во меѓувреме, Португалецот се етаблира како вистински лидер во соблекувалната на Барселона и неговиот агент Мендеш ќе направи сè за да се осигура дека тој ќе остане на Камп Ноу и по претстојното лето.