Иако Golf GTI Clubsport S веќе имаше најдобро време на патеката Нирбургринг (во класата на сериски автомобили со преден погон) во Volkswagen сметале дека може уште побрзо да го комплетира кругот.
Во својот втор обид спортската верзија на Golf ја помина патеката за 7 минути, 47 секунди и 19 стотинки, што е подобрување на времето за цели две секунди.
Колку е всушност брз Golf GTI Clubsport S најдобро може да се утврди ако се спореди со друг автомобил. Така BMW M2 истата патека ја поминува за 7 минути и 58 секунди, додека Honda Civic Type R заостанува за три секунди зад оваа верзија на Golf.
Овој модел е базиран на Golf GTI Clubsport, а буквата „S“ означува дека има 50-тина коњски сили повеќе (вкупно 310) и е 30 килограми полесен.
Volkswagen направи само 400 примероци од овој модел и информациите се дека сите се веќе продадени.