Иранско воено летало се урна на планината Сабалан во провинцијата Ардебил, потврдено е за агенцијата IRNA. Спасувачките екипи се во потрага по преживеани.
Станува збор за воен авион MiG-29 кој се урнал за време на тестирање, во близина на вулкан. Според медиумите во земјата, пилотот е исчезнат.
На социјалните мрежи е објавена аматерска снимка на која се гледа како се издига чад од снежните врвови на планината. Очевидци на настанот велат дека авионот паднал во средиште на вулкан кој не е активен.
Според иранска новинска агенција, авионот е пронајден, но нема трага од пилотот и голема е веројатноста тој да се катапултирал.
Во тек е потрага и спасувачка мисија по пилотот идентификуван како полковник Мухамедреза Рахмани, еден од најискусните пилоти во земјата.
На планината Сабалан има кратер кој се претвора во езеро во одреден период од годината.