Синоќа во НБА лигата се одиграа шест натпревари, а Никола Јокиќ забележа уште една одлична партија.
Одличниот српски центар имаше голем предизвик во мечот Денвер-Сан Антонио додека се бореше под кошот со претстојниот играч Виктор Вембањама и излезе како победник.
Јокиќ му одржа лекција по кошарка на младиот Французин и гостувањето го заврши со 31 поен, 7 скока и 5 асистенции и го предводеше својот тим до 47-та победа од 67-от натпревар оваа сезона со резултат 117:106.
Во поголемиот дел од првата четвртина, Вембањама покажа дека има долг пат да помине додека не стане вистинска НБА ѕвезда.
По 12 минути игра Јокиќ преку Вемби постигна 15 поени, а Французинот со 0/5 шут од поле постигна само 3 поени.
Вембањама сепак успеа да постигне 17 поени и 9 скока до крајот на натпреварот.
На другите натпревари победи во гости оствари и Феникс кој со 20 скока на Нуркиќ ги совлада Шарлот 107:96, Мајами кај Детроит 108:95 и Орландо против Торонто 113:103.
Домашни победи забележаа Њу Орлеанс над ЛА Клиперс 112:104, а Јута над Атланта 124:122.