Денвер Нагетс ги совладаа Њу Орлеанс Пеликанс со 116:105 на гости, а српскиот кошаркар Никола Јокиќ уште еднаш потврди зошто е меѓу стартерите на претстојниот НБА Ол-стар.
Јокиќ во јануари стигна до својот шести трипл-дабл, а вкупно 12-ти во сезоната. Интересно е што ова е вторпат во кариерата Никола да стигне до тој ефект за само еден месец.
Во првото полувреме не блескаше, но во второто ја покажа сета своја моќ. Во воведните 11 минути од третата четвртина постигна уште 16 поени, а на крајот натпреварот го заврши со 29 поени. Додаде и 13 скока, 10 асистенции, 2 украдени топки и 6 загубени топки.
Јокиќ имаше поддршка од Гордон кој постигна 20 поени и Форбс кој додаде 14. Џонс беше најефикасен кај Пеликанс со 19 поени, а одличен беше и Ернангомес со дабл-дабл учинок од 18 поени и 16 скокови.
Инаку, Нагетс одлично го отворија натпреварот, но Пеликанс се вратија во полувремето кое заврши со резултат 48:50. Сепак, до крајот на натпреварот Нагетс не му дозволија на домаќинот да направи пресврт и победија без поголеми проблеми.
Денвер е на 6. место во Западната конференција со 27 победи и 21 пораз, додека Њу Орлеанс е на 12-тото во истата конференција со сооднос 18-30.
Резултати:
Орландо Меџик – Детроит Пистонс 119:103
Атланта Хокс – Бостон Селтикс 108:92
Шарлот Хорнетс – Лос Анџелес Лејкерс 117:114
Хјустон Рокитс – Портланд Треил Блејзерс 110:125
Мемфис Гризлис – Јута Џез 119:109
Мајами Хит – Лос Анџелес Клиперс 121:114
Њу Орлеанс Пеликанс – Денвер Нагетс 105:116
Оклахома Сити Тандер – Индијана Пејсерс 110:113 (прод.)
Сан Антонио Спарс – Чикаго Булс 131:122
Феникс Санс – Минесота Тимбервулвс 134:124
Милвоки Бакс – Њујорк Никс 123:108
Табела:
