Експертите за отпадоци од храна во InSinkErator ги истражувале навиките за складирање чоколада и се покажало дека многумина не се сигурни за најдобриот начин за складирање на чоколадото - дали треба да се чува во фрижидер или во шкаф.
По 18.000 пребарувања за тоа како да се чува чоколадото, многумина сè уште веруваат дека треба да се чува во фрижидер, додека други веруваат дека треба да се чува на собна температура.
Со цел еднаш засекогаш да се стави крај на оваа дилема, тимот на InSinkErator направи анализа. Откриле дека поголемиот дел од коментарите (околу 70%) веруваат дека правилниот начин за чување на чоколадото е фрижидерот.
Филип Куантрел, експерт за храна од InSinkErator, објасни кој е во право.
„Иако многу луѓе мислат дека чоколадото треба да се чува на ниски температури - тоа не е точно! Најдоброто место за складирање на чоколадото е на ладно и суво место како што е оставата или шкафот на собна температура (помеѓу 18°C и 20°C). Чувањето на чоколадото на ладни места како што е фрижидерот може да ја промени бојата на чоколадото и да предизвика проблем со шеќерот, што се случува кога чоколадото ќе се навлажни и потоа ќе побели. Иако тоа не влијае на квалитетот на чоколадото, нути го прави несигурно за консумација, може да влијае на текстурата и да го направи помалку привлечно за јадење“, објасни тој.
