Претходно, Елон Маск изјави дека сака да ја изгради првата човечка колонија на Марс, а сега на Reddit откри како би изгледал животот на луѓето на Црвената планета.
Минатиот месец SpaceX ги откри плановите за вселенскиот брод што би ги однел луѓето на Марс, со цел да се колонизира планетата. Освен луѓе Маск смета дека на Марс се потребни и роботи-рудари кои ќе изградат подземни простори за разни индустриски проекти, додека на површината ќе бидат изградени градби во кои луѓето ќе живеат.
Одговарајќи на прашање за постојаното живеалиште на Марс, Маск вели дека наскоро ќе открие како би изгледале населбите на Црвената планета. Тој додаде дека со помош на роботи ќе се изгради подземен простор за различни индустриски операции. Колонијата на Марс би требало да дојде до фаза во која ќе може сама да произведува гориво за повратен лет кон Земјата. Претходно, SpaceX планира двојно да го зголеми бројот на летови во идеалното време за лет, кога Земјата и Марс ќе бидат најблиску. Тој откри дека со првиот лет кон Марс би патувале 12 луѓе, кои би имале за задача да ја изградат првата база, а потоа и погонот за производство на гориво.