За прв пат во човечката историја една приватна компанија го претстави концептот за вселенски брод. Станува збор за компанијата SpaceX и нејзиниот основач Елон Маск. Проектот до неодамна беше познат како „Mars Colonial Transporter“ и се состои од систем на лансирање и погон на вселенски брод што треба да ги однесе луѓето на Марс за помалку од 10 години.
На конференцијата во Мексико Елон Маск го објави концептот за ITS, кој ги комбинира најмоќната ракета во светот и вселенски брод дизајниран да понесе најмалку 100 луѓе на Црвената планета.
Вселенскиот брод е само дел од поголемиот систем и е наречен ITS (Interplanetary Transport System). Бродот би требало да биде способен да отиде на Марс и да се врати на Земјата.
Ракетата Raptor, што SpaceX претходно успешно ја тестираше за првпат, е трипати помоќна од останатите. Токму тоа прави ITS да биде силна машина способна да пренесе товар од 300 тони. Вселенскиот брод ќе има девет Raptor мотори.
Во неговата внатрешност Маск откри дека ќе има кино сала, ресторан, соби за состаноци и слично, што ќе им даде малку поинакво искуство на астронаутите.
Пред да испрати луѓе на Марс, Space X планира да испрати најмалку 4 мисии без екипаж. Ако сè оди по планот, ITS без луѓе ќе полета во 2022 година, додека со екипаж се планира да полета во 2024 година. Вселенските бродови ќе се лансираат во формации, поради ротацијата на Земјата и Марс може да се испрати брод еднаш во 24 месеци. Во еден брод ќе патуваат 100 до 200 луѓе, а за воспоставување колонија од милион жители би биле потребни 40 до 100 години.
Патувањето би траело 115 дена, а ќе зависи од товарот, бројот на патници и позицијата на Марс во однос на Земјата. Кога станува збор за цената Маск откри дека билетот за Црвената планета би изнесувала 200.000 долари, но преселбата на крајот би можела да чини 100.000 долари.