Софтвер

Какви нови можност носи iOS 10.2 оперативниот систем на Apple?

13. декември 2016 - 12:45 | Д.П.

Новата надградба на оперативниот систем на Apple, веќе е достапна за корисниците и носи неколку интересни нови можности. Станува збор за iOS 10.2 наменет за iPhone, iPad и iPod.

Апликацијата Camera сега овозможува зачувување на претходно користените прилагодувања, Apple Live Photos исто така е подобрена, додека People албумот во апликацијата Photos сега треба да биде попрецизен.

Освен новите емотикони, Apple воведе и Unicode 9 стандард, што значи 100 нови икони кои вклучуваат храна, животни, спорт, професии и лица.

Надградбата носи и три нови позадини за iPhone 7 и iPhone 7 Plus, додека апликацијата Messages има нови Love и Celebration ефекти. Проблемот што предизвикуваше исчезнување на тастатурата сега е решен и отстранет.

Апликацијата News ги складира зачуваните стории во делот Saved, а сториите од каналите што ги следите сега ќе се најдат на страницата For You.

За да го преземете iOS 10.2 треба да влезете во Settings - General - Software Update.

Apple TV исто така добива надградба која вклучува нова TV апликација, додека WatchOS 3.1.1 исто така ќе ги добие Unicode 9 емотиконите.

Коментирај