Објавен е нов трејлер за драмата „The Dressmaker“ во кој Кејт Винслет толкува улога на гламурозна жена која се враќа во нејзиниот роден град во рурална Австралија. Лијам Хемсворт го гледаме во улога на младо момче кое се вљубува во неа, а во останатите улоги се појавуваат Џуди Дејвис, Каролин Гудал, Шејн Борн и Кери Фокс.
Филмот е базиран според книгата на Розали Хем, дејството се одвива во 50-тите години на минатиот век во Австралија.
Тили (Кејт Винслет) е талентирана девојка која многу години работи во модната индустрија во Париз, се враќа дома и повторно се разгоруваат спомените од минатото. Ги трансформира жените во градот и со тоа им се одмаздува на оние кои ѝ згрешиле.
Премиерата е закажана за 23 септември, а трејлерот изгледа прилично интересно.
