Исхраната е многу важна за нашето целокупно здравје. Освен тоа, некои намирници дури можат да го намалат ризикот од разни болести, покажуваат истражувањата.
Експертите од Факултетот за јавно здравје Харвард открија неколку намирници кои имаат антивоспалителни својства и можат да го намалат ризикот од развој на хронично воспаление, дијабетес, рак или деменција.
„Многу од болестите што нè мачат, вклучително и ракот, срцевите заболувања, дијабетесот, артритисот, депресијата и Алцхајмеровата болест, се поврзани со хронични воспаленија“, вели интернистот и професор по исхрана и епидемиологија на Харвард, Хауард Е. ЛеВин за The Mirror.
Правилната антиинфламаторна храна може да го намали ризикот од сериозни здравствени проблеми
Епидемиологот и професор по исхрана и медицина на Харвард, д-р Френк Ху ги истакна наодите од експерименталните студии кои покажаа дека одредена храна може да го реши воспалението.
Тој објасни дека овие намирници можат позитивно да влијаат на нашето расположение и „вкупниот квалитет на живот“.
„Вистинската антиинфламаторна храна може да го намали ризикот од болести. Сепак, постојаното избирање на погрешна храна може да го забрза процесот на воспалителна болест. Покрај тоа, некои од намирниците поврзани со зголемен ризик за хронични болести, како што се дијабетес тип 2 и срцеви болести, се поврзани и со воспаленијата“, објасни тој.
Така, експертите ги истакнаа следните шест намирници кои можат да го намалат ризикот од хронично воспаление, дијабетес, рак или деменција.
Домати
Маслиново масло
Зелен лиснат зеленчук, како што се спанаќ и кељ
Јаткасти плодови, како што се бадеми и ореви
Масни риби, како лосос, скуша, туна и сардини
Овошје како што се јагоди, боровинки, цреши и портокали.
