Доколку припаѓате на групата луѓе кои почнале да вежбаат во теретана во првите денови од новата година или планирате да го направите тоа на пролет, овој податок и тоа како ќе ве интересира.
Според тренерот Боби Максимус, времето кое е потребно да го поминете вежбајќи во теретана, за вашето тело да доживее целосна трансформација, изнесува 130 часа. Ова значи дека доколку во теретана одите пет пати неделно, за 6 месеци ќе видите точно до каде сте стигнале.
Дури после 130 часа во теретана, може да кажете дека вашето тело е во форма, вели Боби. „Овде нема магична пилула или пократок пат. Да се биде во форма бара напорна работа. На повеќето луѓе им се потребни квалитетни 130 часа за да бидат во форма”, вели тој.
Излегувањето од зона на комфор, според него носи најдобри резултати, но потенцира и дека квалитетната исхрана е уште поважна од самото вежбање.
„Замислете дека вежбањето е отплата на кредит. Еднаш кога ќе го ислатите, ќе имате повеќе пари месечно. Сè доаѓа за наплата и од тоа не можете да побегнете, а без минимално 130 часа, нема успех. Крај на приказната”, е неговиот заклучок.