Новоизбраниот претседател на САД, Доналд Трамп важи за еден од најбогатите лидери во светот, објави Forbes.
Трамп секако спаѓа во редот на најбогатите светски претседатели со нето богатство кое изнесува 3,7 милијарди долари, покажа истражувањето на Forbes.
Трамп за претседателската кампања дал седум милиони долари сопствени пари, позајмил 48 милиони, а останатите средства ги добил од донации.
Воедно, републиканецот е и прв милијардер од 1996 година кој се кандидирал за претседател на САД (тогаш кандидат беше Рос Перот постариот). Трамп на медиумите им рекол дека минатата година инкасирал 694 милиони долари чист профит.
Новоизбраниот претседател на САД поседува луксузни недвижнини, пред сè во Њујорк. Овие недвижнини му носат профит кој се мери во стотици милиони долари.
Трамп, покрај десетици илјади квадрати станбен простор и канцеларии, поседува право на земјиште на најлуксузни локации во Њујорк за кои платил закуп кој важи до 2082 година. Од изнајмување на тој простор секоја година инкасира милиони.
Овие тврдења го прават еден од најбогатите политичари во американската историја.