Во денешно време, електромобилноста се прошири кај сите видови превозни средства - од автомобили, велосипеди, мотоцикли, па до скејтови и ролерки. Ако сте од оние кои патуваат често и ви е смачено да ги влечете куферите, ова ќе ви го олесни животот.
Modobag е првиот моторизиран куфер кој може да се вози како превозно средство, па не само што ќе го елиминира тегнењето на багажот, туку и ќе го олесни стигнувањето до автобусите, возовите и авионите на време.
Modobag има електричен мотор со јачина од 150 вати, а со едно полнење на батеријата може да помине 9,6 километри со максимална брзина до 13 км/ч. Поседува и систем за брзо полнење, па може да наполни 80% од батеријата за само 15 минути.
Освен ова, Modobag има и систем за GPRS-GSM следење, контрола на брзина за внатрешно и надворешно возење и 2 USB приклучоци.
Modobag чини 1.199 долари. Не ни е познато дали за куферов ќе треба да се полага возачки испит.
