Словенецот Анже Ланишек ја оствари шестата победа во кариерата откако во Гармиш-Партенкирхен го освои првото место на турнејата Четири скокалници.
Ланишек победи со 295,8 поени и беше пред Јапонецот Рјоју Кобајаши (292,6) и Германецот Андреас Велингер (291,4).
Ланишек беше прв и во квалификациите, во првата рунда тој прескокна 136 метри со 144,6 поени, додека во втората прескокна 137 метри со 151,2 поени, што му беше доволно за првото место.
Јапонецот Кобајаши, кој беше прв во поредокот по првиот дел, не успеа да ја сочува лидерската позиција на крајот. Германецот Андреас Велингер победикот од Оберстдорф, првата станица на турнејата Четири скокалници, заврши на третата позиција.
Во првата петорка се најдоа Австријците Мануел Фетнер и Јан Херл со 288,7, односно 281,4 поени.
Најдолгиот скок го имаше Михаел Хајбек, кој во првата серија прескокна 141 метар.
Лидерот во поредокот сезонава, австриецот Штефан Крафт, заврши на 6. место.
Најголемо изненадување беше Италијанецот Џовани Брезадола кој со најслаб резултат влезе во финалната серија, скокаше прв, па го чуваше првото место додека не почнаа да скоката првите 20 и на крајот го освои за него одличното 20-то место.
Разочараа минатогодишниот победник на Четири скокалници, Халвор Гранеруд од Норвешка, како и Полјакот Давид Кубацки, победник во изданието 2019/2020 и втор лани, кои не успеаја да се пласираат во финалната серија.
По денешното натпреварување, серијата се сели во Австрија.
Третата станица е Инсбрук на 3 јануари, а турата завршува на 6 јануари во Бишофсхофен.
Моментално на табелата за Четири скокалници, по две скокалници, води Велингер пред Кобајаши и Крафт.