На онлајн платформите неодамна беше откриена варијанта на банкарскиот тројанец Vultur кој ги таргетира телефоните со Android и се обидува да извлече податоци од финансиска природа.
Злонамерниот банкарски тројанец Vultur првично беше откриен на платформата Google Play уште во 2021 година.
Подобрена верзија на Vultur, која овојпат е откриена, користи порака за фишинг на корисникот со цел да ја прошири интернет адресата за да ја преземе лажната антивирусна апликација McAfee Security.
Така го привлекува вниманието на корисниците со намера да го инсталираат на нивните телефони со Android. Откако ќе паднете на измамата и ќе ја преземете лажната апликација, скриен тројанец ќе го зарази вашиот Android телефон.
Напаѓачите ќе добијат далечински пристап до мобилниот уред, што ќе им овозможи да го следат и контролираат во реално време (снимање на екранот, прегледување на списокот на повици, информации за онлајн плаќања, банкарски апликации, мешање во нормалното функционирање на одредени апликации), наведува Bleeping Computer.
Со прикажување на пораки како „Привремено недостапно“, вирусот го заобиколува механизмот за заклучување на екранот на мобилните уреди, а со тоа добива пристап до важни лични податоци на корисникот на уредот без да внесува лозинка.
Иако апликацијата која се преправа дека е McAfee Security овој пат ја открија антивирусните компании, нема гаранција дека нема да се повторат слични методи на малициозни напади користејќи имиња на други добро познати апликации, со цел да се шират уште подобро и побрзо на интернет.
Се препорачува корисниците на телефони со Android, кои преземаат апликации на платформата Google Play, при примање пораки, да не кликаат лесно на линковите што им нудат да ја преземат апликацијата. Воедно, треба и редовно да ги скенирате своите телефони со легитимни антивирусни апликации за да избегнувате инфицирање на податоци со малициозни вируси со цел да го намалите ризикот од протекување на вашите лични податоци.
