Манчестер Јунајтед конечно ја прифати понудата на Интер по што Белгиецот синоќа веднаш се упати во Милано каде денес ќе потпише договор.
Долгонајавуваниот трансфер на Ромелу Лукаку во Интер конечно се реализира. Како што најавува La Gazzetta dello Sport, Интер ќе му исплати 65 милиони евра на Манчестер Јунајтед, а „црвените ѓаволи“ дополнително ќе добијат уште 10 со што вкупната сума ќе се искачи на 75 милиони евра.
Доаѓањето на белгискиот робусен голгетер е уште една причина за заминување на поранешниот капитен Мауро Икарди кој силно се поврзува со трансфер во лутиот ривал Јувентус.
26-годишниот Лукаку е роден во Антверпен од конгоански родители. Интер ќе биде петти клуб во неговата кариера откако претходно настапуваше за Андерлехт, Челси, Вест Бромвич Албион и Евертон пред летото 2017 да премине во Манчестер Јунајтед.
За репрезентацијата на Белгија на 81 натпревар има постигнато 48 голови!
