Боксерската легенда Мајк Тајсон му понудил 10.000 долари на чувар во зоолошка градина за да му го отвори кафезот со мајмуни за да може да се бори против горила, објави британски Sun.
Тајсон во 1986 година го подмитил чуварот за да може со поранешната сопруга, тогаш девојка, Робин Гивенс да уживаат во приватна романтична прошетка меѓу животните. Но, за време на прошетката тој отишол чекор понатаму.
Тајсон добил идеја да му даде „дополнителна награда“ на чуварот ако му го отвори живеалиштето на мајмуните за да може да се бори со огромниот горила мажјак.
„Му платив на вработен во Зоолошката градина во Њујорк да отвори специјално за мене и за Робин. Кога стигнавме кај живеалиштето на мајмуните, мажјакот горила ги малтретираше останатите горили“, изјавил Тајсон.
Според Sun, Тајсон му понудил на чуварот 10.000 долари за да „се пресмета“ со горилата, но тој без размислување го одбил.
Поранешниот боксер е познат по тоа дека обожава егзотични животни и наводно поседува три бенгалски тигри.
Мајк Тајсон и Робин Гивенс се запознаа во 1986 година, а се венчаа во 1988 година. Се разведоа во февруари, 1989 година.