Капитенот на репрезентацијата на Хрватска, Лука Модриќ, беше главна ѕвезда на спортскиот дел на 13-тото издание на Sharjah Ramadan Majlis.
Станува збор за симпозиум кој ги собра водечките арапски и меѓународни културни, уметнички и спортски работници, а се одржа во амфитеатарот „Ал Мајаз“ во Шарџа, град во Обединетите Арапски Емирати. Еден од говорниците беше Лука Модриќ, кој се осврна и на неговиот статус во Мадрид.
„Не знам дали ќе го продолжам договорот со Реал Мадрид следната сезона“, ја пренесоа тамошните медиуми изјавата на Модриќ.
„Нема никој подобар од Реал Мадрид, другите тимови, како што знаете, се скалило под нас. Ала Мадрид“, изјави Модриќ.
Лука е со „Кралевите“ од 2012 година и во овој дрес освои 23 трофеи.
„Реал Мадрид има посебен однос со Лигата на шампионите, поради што е клуб со најмногу титули во својата историја. Освоив 3 првенства и 5 Лига на шампиони, што е неверојатно. Кога пристигнав во Реал Мадрид мислев дека ќе ја освојам Лигата на шампионите еднаш или двапати, што е неверојатно, но сега имам пет, а тоа навистина е нешто лудо и уникатно“, рече тој, објаснувајќи зошто Реал Мадрид е толку добар во Лигата на шампиони.
„Веќе неколку сезони не играме добро во првенството, но кога ќе ја слушнеме химната на Лигата на шампионите, играчите се менуваат, стануваме подобри и играме подобро. Тешко е да се објасни, но среќни сме што е вака“, рече тој.
