Стратегот на Тотенхем сезонава имаше доста критики за Гарет Бејл и Деле Али, но нема намера да се откаже од нив сè додека не ги види на терен во најдобра форма.
„Добри играчи кои се фит, се спремни и можат да играат - секогаш се добредојдени. Ние тренерите понекогаш правимер погрешни одлуки, сите грешиме, но никој од нас не е луд“, Мурињо признава дека можеби и погрешил со двајцата кои мака мачат да се вратта во натпреварувачка форма.
„Никој од нас не би рекол 'Не сакам овој играч да ми помогне мене и на тимот' кога тој играч има потенцијал и и услови тоа да го направи“, рече тој говорејќи околу убедливиот пораз во саботата од Манчестер Сити со 3:0.
И двајцата поиграа иако недоволно подготвени, а згора на тоа Мурињо не може да смета и на повредените Серж Орје, Џовани Ло Селсо и Сергио Регилон.
„Ни недостасува Ло Селсо веќе долго време. Ни фали Регилон со недели. Доколку би ги имале, доколку би го имале Деле и Гарет фит и подготвени за игра, тоа би било големо засилување за тимот“, смета тој.
Али и Бејл влегоа во игра во вториот дел: Али во 64. минута на 2:0, а Бејл во 72. минута кога вече беше 3:0 и не помогнаа ниту да се ублажи поразот.
„Мислам дека Бејл беше ок. Со еден тренинг со тимот - толку. Се разбира дека не е подготвен за повеќе од ова. Но, напредува. Имаше една добра акција, можеше да постигне гол. Немаше проблеми по натпреварот, па останува да видиме дали ќе може да игра в четврток, ако не, тогаш наредниов викенд“.
Тотенхем во четврток има натпревар од Лига Европа против австриски Волфсбергер на гости на кој и двајцата може и да се најдат во стартните единаесет.
„Играчи со добар квалитет, кога се фит можат да допринесат за тимот, така да ако тој е фит и подготвен, добредојден е“.
