Боб Дилан е обвинет за силување од страна на жена која тврди дека тој ја злоставувал пред речиси 60 години, кога таа имала само 12 години.
Во тужбата поднесена кон крајот на минатата седмица од тужителката Џ.Ц. се вели дека Дилан го злоставувал девојчето во период од шест седмици, меѓу април и мај 1965 година. Се тврди и дека Дилан „го искористи својот статус како познат музичар за да ја снабди Џ.Ц. со алкохол и дрога и постојано ја злоставувал“.
Боб Дилан, кој наполни 80 години во мај, е обвинет и за физичка закана кон девојчето.
Според наводите во обвинението, наводната злоупотреба се случила во познатиот њујоршки хотел „Челзи“.
Адвокатот на Дилан, Роберт Цимерман, во изјава за US Today, изјави дека „обвинението старо 56 години е невистинито и ќе биде побиено на суд“.
Дилан се смета за еден од најголемите текстописци на сите времиња. Меѓу неговите најзначајни дела се „Blowin’ In The Wind“, „The Times They Are Changin“ и „Like a Rolling Stone“. Тој ја доби и Нобеловата награда за литература за 2016 година, за „создавање нови поетски изрази“ во рамките на големата традиција на американска песна.
