Шпанскиот тенисер Рафаел Надал е елиминиран од првиот Грен слем сезонава - Австралија Опен, откако загуби од 65-то рангираниот играч во светот, Американецот Мекензи МекДоналд со убедливи 3:0 во сетови.
По речиси два и пол часа игра Надал загуби со 3:0 во сетови, а главна причина беше повредата на средината од натпреварот, поточно во вториот сет, по која не можеше да се опорави ниту да се врати на овој натпревар.
Надал го загуби првиот сет со 6:4 и тоа по 47 минути игра, а не се прослави ниту во вториот и претрпе пораз по 56 минути игра, со идентични 6:4.
Во третиот, кој на крајот се покажа како одлучувачки сет, МекДоналд победи со 7:5 и на крајот се пласираше во 3. коло на Австралија опен.
Така, веќе во 2.коло минатогодишниот победник испадна од првиот Грен слем сезонава, а на Новак Ѓоковиќ дополнително му се отвори патот до 10-тата титула во Австралија.
