Париз, 2 ноември 2019 (МИА) – Шпанскиот тенисер Рафаел Надал го совлада Жо-Вилфред Цонга со 7-6 (7-4), 6-1 и се квалификуваше во полуфиналето на Мастерс турнирот во Париз.
Надал го скрши отпорот на Французинот за 1 час и 35 минути и продолжува напред во турнирот, без изгубен сет.
Негов противник на патот кон финалето ќе биде Денис Шаповалов, кој за точно еден час го совлада Гаел Монфис со 6:2, 6:2.
Триесет и тригодишниот Надал и 13 години помладиот од Шаповалов досега се сретнаа двапати и разменија по една победа.
Претенденти во другото полуфинале ќе бидат Новак Ѓоковиќ и Бугаринот Григор Димитров.
