Испораките се очекува да се зголемат за 3 проценти во текот на 2024 година, додека главниот поттик за раст треба да дојде од пазарите во Индија, Блискиот Исток и Африка.
Состојбата на пазарот на мобилни телефони, односно нивната продажба треба да закрепне во текот на 2024 година.
Експертите наведуваат две причини за ова, економска и технолошка по природа: се предвидува дека падот на инфлацијата ќе ја стимулира побарувачката на пазарите во развој, и второ - се очекува дека платежно поспособните купувачи ќе ги привлече интеграцијата на генеративната вештачка интелигенција кон поскапите уреди на најновата генерација.
Според истражувањето на Counterpoint Research, испораката на мобилни телефони на глобалниот пазар минатата година е намалена за повеќе од 4 отсто, бидејќи потрошувачката е намалена под притисок на економската нестабилност.
Испораките се очекува да се зголемат за 3 проценти во текот на 2024 година, додека главниот поттик за раст треба да дојде од пазарите во Индија, Блискиот Исток и Африка.
Посебно се очекува раст во најниската категорија на евтини уреди, каде што се очекува зголемување на продажбата за дури 11 отсто, проценува Counterpoint Research. Посебно силна побарувачка се очекува во регионот на Карибите и Јужна Америка, според агенцијата.
Слабеењето на инфлацијата во посиромашните региони на светот, како што е Африка, и стабилизацијата на локалните валути би требало да ја поттикнат побарувачката за паметни телефони во опсег од 150 до 249 долари. Во исто време, ова дополнително треба да го поттикне зајакнувањето на конкуренцијата меѓу кинеските производители.
Од другата страна на ценовната табела, продажбата во најскапата категорија, дефинирана според ценовниот опсег од 600 до 800 долари, би требало да се зголеми за дури 17 проценти, благодарение на интегрирањето на genAI технологијата и зголемената побарувачка за телефони на преклоп, се вели во извештајот.
Counterpoint Research истакнува дека Apple и Huawei најверојатно ќе ги продаваат најскапите паметни телефони. Американскиот технолошки гигант благодарение на стабилната побарувачка за iPhone телефони, а Huawei благодарение на водечката позиција на домашниот кинески пазар.
