Во еден од неговите говори, новиот американски претседател Доналд Трамп, посочи некаков инцидент во Шведска, иако во оваа скандинавска држава не се случил никаков напад или инцидент. Иако потоа претседателот на САД објави уште еден твит во кој објасни дека неговиот говор бил базиран врз нешто што го видел на телевизијата Fox, комичарите тоа го искористија како добра основа за своите шоуа.
Според Стивен Колберт, Трамп би требало да ги чита известувањата што ги добива од американската разузнавачка служба, а не да се повикува на вестите на Fox.
Од друга страна комичарот Џон Оливер вели дека поради измислиците на Трамп, американските медиуми пропуштиле да обават за неколку други поинтересни инциденти.
