Ново истражување покажува дека сме целосно неспособни да забележиме колкав степен на влијание има смартфонот на нашиот ум, на нашата способност сами да мислиме и да донесеме одлуки.
Когнитивниот психолог Адријан Ворд со колегите спроведе експеримент со кој докажа дека самото присуство на смартфон ги намалува нашите когнитивни способности.
„Повеќе од 1.500 студенти учествуваа во истражувањето и нивната задача било да решат што повеќе текстови, да одговорат на бројни прашања, да објаснат и да формулираат нешто. Општо, не беше важно што одговараа, туку тоа што го забележавме. А ние цело време следевме каде се наоѓа нивниот мобилен телефон“, објаснува Ворд.
Испитаниците биле поделени во три групи и изложени на различни интелектуални тестови. Разликата била во условите на работа, првата група ги оставила телефоните во друга соба, на втората група не им било забрането да ги чуваат мобилните во џеб или торба, а третата група студенти смееле да ги чуваат телефоните на маса пред нив, но со завртен екран.
На ниту една од групите не ѝ било дозволено да ги употреби. Истражувачите ја следеле количината на информации на кои групите биле способни да се фокусираат. Највисока работна меморија имале луѓето кои воопшто немале пристап до телефон, а најниска оние чии смартфони стоеле пред нив. Резултатот на групата која имала телефон во џеб е резултатот што го покажала групата без пристап до паметниот уред.
„Мислам дека нема потреба премногу да ги објаснуваме резултатите од студијата, очигледни се. Сè додека нашиот мозок гледа паметен телефон пред себе тој моментално како да станува поглупав. Тоа е така благодарение на очекувањето дека не мораме да го „оптоваруваме“ бидејќи сите одговори кои ни се потребни ги наоѓаме преку него, на интернет“, објаснува Ворд.
Научниците по истражувањето ги прашале студентите што мислат, дали нивниот мобилен влијае на нивото внимание и способности. Сите одговориле негативно.
Тоа е показател дека на психолошко ниво сме целосно зависни од телефонот, а притоа не сме свени за тоа, заклучуваат научниците.
