Сончевата светлина е главен извор на витамин Д, неопходен за функционирање на имунолошкиот систем, здравјето на коските и многу други системи во телото.
Многу луѓе сепак имаат потреба од додатоци, без разлика дали имаат потемна кожа, помалку изложени на сонце или имаат одредени медицински состојби.
Поради можните ефекти на витаминот Д врз деноноќниот ритам и режимот на спиење, некои истражувања сугерираат дека е подобро да се зема овој додаток во исхраната наутро.
Според д-р Рохини Патил, земањето витамин Д наутро ја максимизира апсорпцијата на оваа хранлива материја и ви помага да функционирате во текот на денот. Бидејќи витаминот Д е растворлив во масти, земањето со оброк кој вклучува заситени масти може да ја подобри неговата апсорпција.
Истражувањата исто така покажуваат дека земањето витамин Д со оброци богати со калциум ја подобрува апсорпцијата. Слободно можете да го консумирате со млеко, амарант, сусам, семе од коноп и зелен лиснат зеленчук.
Редовното земање на витамин Д е важно бидејќи на тој начин го одржувате нивото на овој додаток. Полесно ќе ви биде и доколку секојдневно земате витамин Д во исто време, бидејќи така полесно се влегува во рутина. Исто така, на овој начин полесно ќе го организирате земање на други лекови и суплементи кои можеби не смеат да ги земате заедно со витамин Д.
Млекото и млечните производи се важни за здравјето на коските, содржат високи дози на калциум, протеини и витамин Д. Истражувањата покажуваат дека калциумот е неопходен за правилен развој и одржување на коските, додека витаминот Д ја олеснува неговата апсорпција, а протеините го поттикнуваат растот на телото. Омега 3 масните киселини не само што го промовираат когнитивниот развој, туку ја надополнуваат улогата што витаминот Д ја игра во одржувањето на густината на коските.
Ако вклучите јајца и масна риба во вашата исхрана, овие намирници исто така би можеле позитивно да влијаат на физичкиот и когнитивниот развој. Протеинот во јајцата промовира поправка и раст на ткивото, додека витаминот Д игра клучна улога во одржувањето на здравјето на коските.
Редовното консумирање јајца придонесува за здравјето на коските и го одржува нивото на енергија. Зелениот лиснат зеленчук помага во одржување на здрави коски и ги обезбедува потребните хранливи материи за раст и доволно енергија. Овие видови на храна не се важни само за физичкиот развој, туку придонесуваат и за зајакнување на имунолошкиот систем и когнитивното здравје.
Урамнотежената исхрана, богата со овие хранливи материи, е основа за здрави модели на раст и усвојување здрави навики.
Да заклучиме, земањето витамин Д наутро, со појадок и храна која содржи здрави масти, ја зголемува апсорпцијата. Затоа, утрото е идеално време за земање витамин Д.