Фудбал

Нејмар конечно откри зошто летово сакаше да побегне од Париз

22. октомври 2019 - 14:38 | А.С.

Цело лето траеше неподносливата сапунска серија околу наводното враќање на Нејмар во Барселона.

Бразилецот пред две години го напушти „Камп Ноу“ со рекорден трансфер од 222 милиони евра и премина во ПСЖ мислејќи дека на „Паркот на принцовите“ ќе освојува трофеи и конечно ќе излезе од сенката на Лео Меси.

Тоа не се случи. Освен француското првенство во кое ПСЖ е „претплатен“ Парижаните не направија ништо, а стануваше сѐ појасно дека Бразилецот сака да побегне од Париз и да се врати во Барселона.

Барса нудеше кеш и играчи, но управата на ПСЖ не сакаше да се согласи на тоа и Нејмар остана. Навивачите на ПСЖ не му го простија ова „предавство“ и секое коло го потсетуваа дека веќе не е добредојден на „Паркот на принцовите“.

Нејмар цело време молчеше и сега конечно откри кои биле причините за очајничкото барање да се врати во Каталонија.

„Кога не си среќен, без разлика на работата, се обидувате да најдете некоја промена и место каде повторно ќе бидете среќни и задоволни. Тоа се обидов и јас да го направам, но на крајот сепак останав во Париз. Како што веќе изјавив, ќе дадам сѐ од себе во дресот на ПСЖ. Сега сѐ е добро и среќен сум. Добро ја почнав сезоната и тоа е најваќно. Сакам да помогнам да освоиме што е можно повеќе трофеи сезонава“, изјави Нејмар за списанието Otro.

Коментирај