Над американската сојузна држава Оклахома во понеделникот вечерта била е забележана малку необична глетка.
На 4 март, Стив Арагона бил надвор со своите деца и соседи кога забележал мистериозен објект на небото.
Тој го објави видеото на интернет. „Што е тоа?“ се слуша како некој прашува. „Тоа е ѕвезда што паѓа!“, вели едно од децата. „Не, премногу бавно се движи. Види, се одвојува“, одговара возрасен глас.
News 4 (KFOR) го контактираше Кен Карсон од Универзитетот во Оклахома и праша за што може да се работи.
„Изгледа како раздвојување на етапите на ракета. Потоа има еден вид експлозија на погонското гориво поради одвојувањето на првата фаза“, рече Карсон. На тој ден SpaceX лансираше ракета од Флорида. Но, тука веројатно не се работи за тоа, бидејќи лансирањето се случи во 17:56 часот, односно час и половина пред Арагона да го сними видеото.
Локалниот астроном Вејн Харис-Вирик изјави за News 4 дека веројатно не е лансирањето на SpaceX.
„Ги погледнав сите лансирања на Space X и другите јавно објавени лансирања. Мислам дека тие лансираа некаков таен воен лет или нешто од вселенската база Ванденберг“, рече Харис-Вирик.
Воздухопловната база Ванденберг се наоѓа во Калифорнија. Портпаролот изјави за News 4 дека времето на нивното лансирање не се совпаѓа и ги упати новинарите во друга база на Вселенските сили во Флорида. И тие рекоа дека тоа не е нивна ракета.
Сè уште има неколку опции, имајќи предвид дека снимката навистина наликува на разделување на ракетна сцена - што секогаш изгледа впечатливо и често се меша со НЛО (видео подолу). Тоа би можело да биде ракета лансирана од воздухопловната база Нелис во близина на Лас Вегас или од SpaceX во Кејп Канаверал. „Што и да е, мило ми е што луѓето таму гледаат во небото“, рече Карсон.
