Моделот 7 Plus на Nokia ќе стане еден од малкуте телефони на пазарот кои не припаѓаат на Google а го имаат оперативниот систем Android 9 Pie. Покрај овој новитет, компанијата HMD Global најави дека наскоро ќе бидат претставени два нови модели од истата линија производи.
Со пристигнувањето на Nokia 7 Plus компанијата ќе го добие првиот смартфон со Androi 9 Pie оперативен систем, кој го користат многу мал број телефони кои не се произведени од Google.
Android 9 Pie на корисниците им овозможува огромен број можности и подобрувања кои не се достапни на останатите верзии на Android оперативниот систем. Како највпечатливи може да ги издвоиме адаптивната батерија, „дотераната“ навигација и унапредениот систем на нотификации.
Nokia 7 Plus исто така ќе стане првиот смартфон кој не припаѓа на производната линија на Google кој ќе ја добие опцијата Digital Wellbeing. Таа овозможува корисникот да има контролна табла на која се покажани неговите навики, како и приказ на времето кое тој го поминува користејќи одредени апликации.
Компанијата исто така најави дека набрзо пристигнуваат и моделите X7 или 7.1 Plus, кои би требало да понудат нова, освежена верзија на веќе постоечкиот 7 Plus.