Осомничениот за убиството што се случи во Гостивар вчера вечерта околу 23 часот сам се предал во Полициската станица во Гостивар.
Убиството се случило по кавга за сообраќаен прекршок.
Според информациите од Обвинителството во понеделникот околу 21.30 часот, дваесет и шестгодишното момче кое беше убиено, било паркирано со своето возило од левата страна на улицата „Седек Костоски“ во Гостивар, кога од спротивната страна со автомобил наишол осомничениот со своето семејство.
Во критичниот момент настанала расправија и сега починатиот со метален предмет удрил во возилото на осомничениот, а тој извадил пиштол што го поседувал со дозвола и во паника испукал три куршуми во правецот на сега починатото лице.
Еден од куршумите завршил во телото на починатиот кој во контактибилна состојба бил пренесен во Општата болница Гостивар. Поради сериозноста на повредите, истиот е испратен во Клиничка болница Скопје каде при извршување на интервенцијата во текот на ноќта починал.