За совршен десерт понекогаш не ни треба многу време или многу состојки. А ова е еден баш таков, совршен, вкусен и едноставен десерт за чија подготовка навистина нема да ви бидат потребни повеќе од неколку минути.
За слатко семејно попладне не ви треба повеќе од 4 јајца, едно пакување Nutella или било кој друг крем со лешници. Може да користите и бела веријанта.
Состојки:
4 јајца
250 грама крем
Подготовка:
Целите јајца добро измешајте ги со миксер (5 до 8 минути би требало да е доволно). За тоа време, малку загрејте го кремот, но не на превисока температура за да не биде врел, истурете го во изматените јајца и добро промешајте.
Печката загрејте ја на 180 степени, а овој колач може да го печете во калапи за торта или калапи за мафини.
Печете околу 20 минути, оставете ги да се оладат и уживајте во десертот кој може да го украсите по желба.