Под влијание на влажен бран од Медитеранот денеска во Македонија ќе има врнежи од дожд, особено доцна попладне и во вечерните часови, а ќе дува слаб до умерен јужен ветер.
Минималните температури ќе се движат од 2 до 9, а дневните максимални од 14 до 21 степен.
Во Скопје и околината, променливо облачно попладне и во вечерните часови со врнежи од дожд. Ќе дува слаб ветер од јужен правец. Утринската температура ќе се спушти околу 6 степени, додека највисоката дневна ќе достигне 17 степени.
Во деновите од викендот ќе преовладува стабилно време, во сабота променливо облачно со сончеви периоди, а во недела сончево со умерена облачност и малку потопло. Потоа во првите два дена од наредната седмица се очекуваат локални врнежи од дожд со послаб интензитет.
