Германскиот државен обвинител соопшти вечервва дека Пакистанецот што во понеделникот вечер беше уапсен под сомнение дека го возел камионот со кој во Берлин беа усмртени 12 луѓе, е ослободен, бидејќи немало доволно докази што би го поврзале со тој случај.
Уапсениот Пакистанец, кој минатата година побарал азил во Германија, демантирал дека на било каков начин е поврзан со тој напад, што бил окарактеризиран како терористички.
Полицијата го уапсила бидејќи одговарал на описот на возачот на камионот што го дале сведоците, но истражителите и форензичарите не успеале да пронајдат било каков доказ дека тој бил во кабината за време на нападот.
Заради тоа, јавниот обвинител немал основа да издаде формален налог за апсење, па човекот морал да биде ослободен, пренесе АП.