Блогерката Лизи Грант вели дека расчистувањето на нередот во домот помага да станете посмирени и посамоуверени. Организирањето работи дава чувство на успех со што се подобрува расположението бидејќи се ослободува простор во куќата, но и во главата.
Истражувањата покажале дека нередот и вишокот работи во домот навистина го подигнуваат нивото на кортизол, односно на хормонот на стрес и дека средувањето на нередот помага да се смириме.
Одвоивме 5 совети за тоа како полесно да го средите домот:
1. Визуализација на просторот
Пред да почнете со чистењето на нередот, замислете си како ќе изгледа вашиот дом без тој неред, можете да направите пред и потоа фотографии за да ја видите разликата. Тоа ќе ве мотивира да не дозволите повторно ваков неред и ќе ве охрабри редовно да го организирате домот.
2. Сè на свое место
Во процесот на расчистување на домот потсетете се дека секоја работа мора да има свое место. Ако некој предмет нема место за „живеење“, воопшто не се употребува, тогаш станува неред. Немојте да купувате работи кои немате место каде да ги сместите, со тоа ќе избегнете создавање неред во домот, а куќата ќе ви биде уредна и секогаш ќе знаете што каде ви стои.
3. Средете ја спалната соба
Ако имате неред во спалната соба тоа може да биде потсвесен извор на стрес кој ви отежнува да заспиете. Изнесете ги од собата сите работи кои ве потсетуваат на незавршени обврски – лаптоп, телефон, документи или облека за пеглање, така ќе му дадете сигнал на мозокот дека сега единствената работа што треба да ја направите е да си легнете.
4. Склaдирање во кутии
Кутиите и сличните предмети помагаат просторот да изгледа поуредно. Но, првин ослободете се од непотребните работи. Кога ќе одлучите дали нешто ќе фрлите, подарите или донирате, тогаш размислете како кутиите би ви помогнале во подобрата организација. Ако ви се потребни измерете го просторот каде ќе стојат за да купите колку што ви се потребни.
5. Ослободете се од непотребното
Кога ќе минете низ сите работи: облека, обувки, електронски уреди и слично, направете четири купчиња: за тоа што ќе задржите, подарите, фрлите или продадете.
Така полесно ќе го уредите домот, со оние предмети кои навистина ви се потребни.
