Разведените родители кои останале во добри и пријателски односи се реткост. Но, ова е еден таков пример и заслужува пофалба.
Разводите се тешки и болат, а најчесто завршуваат така што родителите со тешка мака се договараат кај кого ќе бидат децата и кога другиот родител ќе може да ги гледа.
Меѓутоа, еден разведен татко напиша зошто уште ја почитува својата поранешна сопруга и зошто и понатаму и помага и со тоа го освои светот. Се надеваме дека некој ќе научи нешто од ова писмо.
Бил Флин вели дека тоа утро, на роденденот нa неговата поранешна жена, станал рано, купил цвеќе, честитка и отишол кај своето семејство да им подготви доручек.
Бидејќи му се смачило постојано да го прашуваат зошто толку се труди околу својата поранешна сопруга, Бил одлучил да напише писмо во кое објаснил дека со своето однесување сака да им даде пример на синовите.
„Одгледувам двајца мали мажи. Примерот кој им го пружам сега со своето однесување кон нивната мајка, значително ќе влијае на тоа како ги гледаат и доживуваат жените, ќе влијае на нивната перцепција за љубовната врска”, го започнува тој писмото.
Тој додава дека ова е уште поважно бидејќи се деца на разведени родители.
„Доколку не им пружате добар пример на децата како треба да изгледа љубовната врска, приберете се. Воздигнете се над проблемите и бидете пример. Тоа е поважно од вас. Воспитајте добри мажи. Воспитајте силни жени. Ве молам. На светот му се потребни повеќе од било кога”, пишува Бил.