Сириските власти потврдија дека е почната операцијата за евакуацијата на цивилите од делот на Алепо кој е под контрола на бунтовниците. Некои од автобусите веќе поминаа на страната што е под контрола на официјален Дамаск, а еден припадник на „белите шлемови“ кои помагаат во спасувањето на цивилите, загина во текот на евакуацијата, најверојатно од снајперски оган.
Сириската телевизија јавува дека на преминот меѓу двата дела на Алепо се наоѓаат 20-тина автобуси и 10-тина возила за брза помош.
Откако синоќа беше воспоставено ново примирје, портпаролот на една од бунтовничките фракции изјави дека на жените и децата ќе им биде овозможен безбеден премин надвор од зоната каде што се воените дејствија.
Исто така, војниците на бунтоцничките групи ќе добијат можност за повлекување, а спроед RT и тој дел од операцијата е започнат.
Во завојуваниот дел на Алепо се наоѓаат околу 50.000 цивили, претежно жени и деца кои сакаат да го напуштат регионот. Во акцијата ќе се вклучи и Црвениот крст кој ќе учествува во евакуацијата на ранетите.