Во Германија има ново правило што се однесува на правење скара на балкон.
Имањето обзир кон соседите и почитувањето на важечките правила се клучни за да се избегнат казни.
Граѓаните кои сакаат да прават скара на својот балкон мора да го почитуваат ова ново правило, а во спротивно може да се соочат со разни казни.
Пролетта е во полн ек, а тоа значи и дека е време за забави со скара. Иако правењето скара не е дозволено во многу паркови, вашиот двор изгледа како лесна алтернатива. Но, за оние кои сакаат да го направат тоа на свој балкон, има потенцијални проблеми. Причината за тоа е едноставна: не е дозволено сè што мириса примамливо и има добар вкус, пишуваат германските медиуми.
По правило, скара на балконот или во градината е дозволено, освен ако поинаку не е наведено во договорот за изнајмување. Но, тука лежи првиот проблем: ако соседите се вознемирени од чадот или бучавата, забавата со скара може брзо да доведе до парични казни.
Ова станува особено проблематично со скари на јаглен. Премногу чад не само што може да предизвика непријатности кај соседите, туку и да ги прекрши законите за заштита на животната средина. Казни до 25.000 евра може да се изречат доколку палењето скара предизвика штета на животната средина. Но, тоа не е сè: ако често правите скара може да стигнете и до судски спор.
Судските пресуди даваат груба слика за тоа колку често месечно и во кои денови е дозволено палење скара. Сепак, граѓаните треба да внимаваат да не предизвикаат сериозни проблеми, пишуваат германските медиуми.
Експертите препорачуваат секогаш да бидете внимателни кон соседите и да се придржувате до важечките прописи. Бидејќи и покрај тоа што е примамливо во лето, палењето скара може да биде скапо.