Сè повеќе луѓе додаваат риба во својата исхрана поради омега-3 масните киселини кои се здрави за срцето.
Но, можеби е време да ги прескокнете лососот и туната и наместо тоа да посегнете по сардини и школки.
„Помалите риби и школките може да го зголемат внесот на микронутриенти, како што се цинк, железо, витамин Б12 и омега-3 масни киселини“, вели професорот за исхрана на Универзитетот Харвард, Кристофер Голден.
„Од сите видови, малите риби се најдобриот извор на овие хранливи материи по тежина. А ние не консумираме доволно од нив“, додаде тој.
Што се однесува до рибата, неговиот совет е дека лососот и туната се преценети и дека треба да го зголемите внесот на харинга, скуша, сардина и инчуни. Од школки препорачува остриги, школки и ракови, пренесува CNBC.
„Ако јадете помала риба, како и школки, поголема е веројатноста да внесете помалку жива. Покрај тоа, овие видови риби и школки се најдобри можни извори на животинска храна од гледна точка на одржливост“, рече тој.
И конечно, не заборавајте на морските алги.
„Имаат малку калории, се добар извор на растителни влакна, а исто така содржат јод, минерал кој е потребен за производство на хормони на тироидната жлезда“, се вели во написот на Harvard Health Publishing.
