Времето во понеделник во Македонија ќе биде променливо облачно, со сончеви периоди и со слаб до умерен јужен ветер.
Утринските температури се движат од -6 до -1 Целзиусов степен, додека максималните дневни ќе се движат во интервалот од 0 до 13 степени. Во главниот град Скопје утринската температура изнесува -3 степени, а максималната дневна ќе се искачи до 11 Целзиусови степени.
До вторник ќе преовладува претежно стабилно и потопло време. Од среда подрачјето на земјата ќе биде под влијание на неколку влажни бранови кои ќе условат променливо облачно и ветровито време со повремени локални врнежи од дожд.
Повеќе врнежи се очекуваат во среда, особено во западните делови, каде на планините во вечерните часови врнежите ќе бидат од снег. Во среда попладне и во четврток повремено ќе дува засилен југоисточен ветер.
Утринските температури до крајот на работната седмица ќе се движат во интервалот меѓу -6 и 7 степени, додека максималните дневни меѓу 5 и 16 Целзиусови степени.