Единствениот примерок на новата Supra, кој го доби прекарот Global #1, беше продаден за 40 пати поголема цена во однос на основниот модел од сериската верзија на овој автомобил. Но, зошто? Како оваа верзија се разликува од обичната Toyota Supra?
Новата Toyota Supra се продава по почетна цена од 49.900 долари на пазарот во САД, додека ограничената серија од која се произведени само 1.500 единици се продава за 55.250 долари.
Примерокот наречен Global #1, кој на аукцијата достигна цена од 2,1 милион долари, се разликува од било која друга Supra на светот. Иако во основа тој е базиран на верзијата Launch Edition, овој автомобил има посебна боја, наречена Phantom Matte. Страничните ретровизори се во контрастна сјајна црвена боја, а истата боја ја краси и внатрешноста на овој модел.
Тоа е отприлика тоа. Ако мислевте дека оваа Supra е технички подобра од сите останати модели, се лажевте.
Тајната зад цената на овој единствен модел на Supra е тоа што е уникат, а неговиот нов сопственик е многу, многу богат. Многу веројатно овој автомобил ќе биде колекционерски примерок, а можеби и ќе ја зголеми цената, во зависност од популарноста на новата Supra.