Иако се уште не е официјално претставен, веќе се појавија фотографии од новото издание на популарниот модел на Ford, компактниот автомобил Fiesta. Седмото издание на Fiesta, според компанијата е технолошки најнапредниот автомобил во оваа класа, а во поглед на изгледот, автомобилот доживеа освежување на дизајнот.
Fiesta доби ново лице што сега има помали светла и поголема маска за ладилникот, што потсетува на актуелното издание на Ford Focus.
Во однос на претходната генерација, новата Fiesta е малку поголема и на патниците ќе им овозможи повеќе простор во кабината која е обложена со поквалитетни материјали.
Техничките детали се уште не се познати, но според првичните информации, моделот нема да се испорачува со 1,25 литарскиот атмосферски мотор, а неговот место ќе го заземе турбо-бензинската верзија.
најсилната Fiesta ST треба да добие 1,6 литарски турбо бензински мотор со 200 коњски сили, а продажбата на новата генерација треба да стартува во првата половина на следната година.