Неколку стотици илјади жени протестираа во неколку американски градови, откако претходно такви се одржаа во европските градови и во Австралија и Нов Зеланд, против новиот американски претседател Доналд Трамп.
Стотици илјади жени маршираа низ центарот на Вашингтон, повеќето како и Европејките носејќи розови капи, но и на улиците во Њујорк, Лос Анџелес,Чикаго, Бостон и други американски градови.
Руската агенција РИА јави дека мноштвото народ целосно ја блокирало три километри долгата Национална алеја на што се наоѓаат Белата куќа и Капитол, како и Индепендент авенијата по која требаше да се одвива маршот.
На протестот по инаугурацијата на Доналд Трамп во Чикаго, исто така, дошле многу повеќе луѓе од планираното, и не било возможно да се одржи маршот, бидејќи планираната рута била окупирана од толпата, според организаторите. Полицијата објави дека имало 125.000 луѓе.
Засега протестите укажуваат колку всушност Соединетите држави се поделено општество, кое не закрепнато од речиси двегодишните расни протести и мачната кампања за изборите од 2016 година.
Оние кои протестираат против Трамп велат дека се вознемирени од она што „тој има намера да го направи“, а некои велат дека атмосферата ги потсетува на 60-тите години од минатиот век кога во американските градови се протестираше за женските и граѓанските права.
Иако Републиканската партија на Трамп има целосна контрола на Белата куќа и во двата дома на Конгресот, дел од американското општество блиско на демократите, левите и граѓанските активисти се одлучи за жестоки протести против него во периодот на транзицијата и првите денови од преземањето на власта, што вообичаено период на „меден месец“ меѓу новиот претседател и јавноста. А анкетите покажуваа дека Трамп е најнепопуларниот од своите претходници пред преземањето на мандатот.
Меѓутоа, тој остана доследен и веднаш по влегувањето во Белата куќа,го потпиша указот против законот за здравственото осигурување што го донесе неговиот претходник Барак Обама. Со тоа навести дека ќе биде истраен во своите остварувањето на своите ветувања во кампањата.