Од денеска љубителите на фудбалот можат да си набават карта за претстојниот ЕУРО 2020 квалификациски натпревар против Словенија кој е клучен за нашата репрезентација во борбата за пласман на завршницата.
Словенија ни гостува на Арената „Тоше Проески“ на 10 октомври од 20.45 часот, а ФФМ денес ги пушти картите во продажба.
Карта за централните делови од трибините Север и Југ чини 200 денари, за страничните блокови на истите трибини картата е 150 денари, додека за трибината Запад багателни 50 денари.
Истите можат да се набават на посебен пулт на ФФМ во Скопје Сити Мол како и онјалн преку mktickets.
Македонија мора да извојува победа над Словенија, во спротивно шансите за пласман на ЕУРО 2020 ќе ги сведе на минимум, односно ќе мора шансата да ја бара преку оној бараж обезбеден преку Лигата на нации.