Шпанскиот гигант Реал Мадрид се врати на престолот, односно на врвот на листата 20 најбогати фудбалски клубови на светот што ја составува Deloitte.
Реал го надмина Манчестер Јунајтед благодарение на рекордните приходи од 750,9 милиони евра.
„Црвените ѓаволи“ паднаа на трето место, а второто место го зазеде Барселона, со што за прв пат по сезоната 2014/15 два шпански клуба се на првото и второто место.
Вкупните приходи на 20-те најбогати клубови на светот пораснаа за 6% на 8,5 милијарди евра во сезоната 2017/2018 година, што е нов рекорд.
Во топ 10 се наоѓаат дури шест англиски клубови, што исто така е нов рекорд.
Разликата меѓу двата водечки клубови изнесува 60.5 милиони евра и е најголема досега.
Реал Мадрид трет пат со ред ја освои Лигата на шампиони совладувајќи го Ливерпул со резултат од 3:1 во Киев во мај минатата година. Тоа му помогна на „кралскиот клуб“ да се пробие на првото место на листата што ја има предводено 12 пати.
Топ 10 листата на најбогати клубови на светот изгледа вака:
1. Реал Мадрид 750,9 милиони евра
2. Барселона 690,4 милиони евра
3. Манчестер Јунајтед 666 милиони евра
4. Баерн Минхен 629,2 милиони евра
5. Манчестер Сити 568,4 милиони евра
6. Пари Сен Жермен 541,7 милиони евра
7. Ливерпул 513,7 милиони евра
8. Челзи 505,7 милиони евра
9. Арсенал 439,2 милиони евра
10. Тотенхем 428,3 милиони евра.
