Колумбиското производство на кокаин достигна рекордно ниво во 2017 година, покажуваат неодамна објавените статистики на Обединетите нации.
Канцеларијата за дрога и криминал (UNODC) предупредува дека лани имало раст на производството на кокаин во Колумбија за рекордни 31% во споредба со претходната година, објави BBC.
Лани биле произведени 1.400 тони на површина од 171.000 хектари, што значи дека вкупната површина на земјиште што се користи за оваа намена пораснала за 17% во споредба со 2016 година, кога кокаинот се произведувал на површина од речиси 25.000 хектари.
Колумбија е најголем производител на кокаин во светот, а најголемиот дел од таа дрога завршува во САД, кои се најголем потрошувач на кокаин.
Земјата со години се бори против производството на кокаин и криминалот поврзан со него, а САД во тоа помагаат со 400 милиони долари годишно.
