Дисциплинската комисија при Ракометната федерација на Македонија (РФМ), ги казни Вардар и Еурофарм Пелистер за инцидентите што ги предизвикаа навивачите на неодамнешното дерби.
Навивачите на Пелистер, во 16. минута, кога влегоа во салата „Јане Сандански“, започнаа да фрлаат разни предмети кон домашната публика. Вардаровите навивачи одговорија со иста мерка. Натпреварот беше прекинат, а откако ситуацијата се смири, продолжи и заврши со убедлива победа на Вардар (31:24).
Дисциплинската комисија ги казни двата клуба парично со по 150.000 денари. Вардар два натпревара ќе одигра без присуство на публика.
