Навивачите на македонската ракометна гордост од денеска можат да си набават билет за следните домашни натпревари на нивниот миленик во Лигата на шампиони и Сеха лигата.
Вардар прво на 22-ри ќе го пречека португалскиот шампион Порто со почеток од 17 часот. Билетите чинат 350 денари, а за блокот А цената е 400.
Два дена подоцна во Скопје доаѓа хрватскиот Нексе во натпревар од Сеха Лигата. Почетокот е закажан за 20.45 часот, а билетите за овој натпревар чинат симболични 50 денари.
Продажбата на картите за двата натпревара е можна онлајн на TicketPlus како и на билетарницата на СЦ „Јане Сандански" секој работен ден од 10 до 18 часот.
Вардаровите ракометари очекуваат полна сала и максимална поддршка на двата натпревара.