Позната двојка блогери кои патуваат низ светот и ги споделуваат нивните авантури на социјалните мрежи, наиде на критики на Instagram поради „опасна“ фотографија.
Ракел и Мигел од Португалија се фотографираа застанати на надворешната страна на воз во движење и ја објавија на нивниот профил што го следат 200.000 корисници на социјалната мрежа.
На фотографијата снимена во Шри Ланка Мигел ја бакнува Ракел во чело додека висат фатени за рачка од возот од надворешната страна.
Иако двојката се правдаше дека возот се движел многу бавно, сепак се снимале додека поминувале на мост и само еден погрешен потег ги делел од трагедија.
Наместо да ги одушеват нивните следачи со романтична фотографија, блогерите наидоа на остри критики дека се неодговорни и промовираат опасно однесување.
Фотографијата доби над 44.000 лајкови, но сепак наиде на повеќе критики отколку пофалби.
