Со месеци е познато дека планот на Саудиска Арабија да заземе позначајна позиција во светскиот тенис и со тоа да биде важна во еден од најпопуларните спортови на планетата.
Кон крајот на минатата година Ријад беше домаќин на турнирот на најдобрите млади тенисери во светот, а во октомври 2024 година Саудијците ќе организираат турнир наречен „Шест кралеви“ каде сакаат да ги соберат најголемите имиња во светот на тенисот.
Станува збор за егзибициски турнир за кој Саудијците се подготвени богато да им платат на учесниците, а поканата сега ја прифатија Новак Ѓоковиќ и Рафаел Надал, спортисти кои ја одбележаа актуелната тениска ера.
Така, Ѓоковиќ и Надал ќе играат на овој турнир кој е закажан за октомври, а ќе играат против Карлос Алкараз, Данило Медведев, Холгер Руне и Јаник Синер.
Ѓоковиќ во кариерата има освоено 24 Грен слем титули, Надал има 22, а сигурно е дека нивниот настап ќе додаде тежина на овој турнир, дека ќе го привлече вниманието на јавноста, а со тоа и на спонзорите.
Интересно е и тоа што Надал во јануари потпиша договор за да стане амбасадор на саудискиот тенис и во иднина ќе работи на развојот на овој спорт во кралството.
Октомврискиот турнир ќе биде егзибициски и нема да носи поени за АТП турнејата, а Саудијците активно работат на проектот да ги доведат финалните мајстори на ВТА турнејата во својата земја.
